BERRIA

Ibilkari

Ibilkari

Karakateko igoera

Beste urtebetez arrakasta handitzen.
/ Morkaiko

Edu Uribek ere bere blogean aipatu duenez, atzo jokatu zen Elgoibarren urteko zita, Karakatera igoera.

Antolakuntzak ez du honen propaganda gehiegirik egiten, halere, aurtengoan errekorra, 120 lagun Elgoibarko plazako frontisean irteera emateko zai. Bertikalen kopako lasterketa askok nahiko lukete honek daukan arrakasta!

Zalantzarik ez, arrakastaren atzetik urte askotako lana dagoela. Morkaiko Mendizale Elkarteko bolondresek urteak daramatzate lasterkariak mimatzen. Lasterketa berezia da, ibilbidea ez dago markatuta eta nahi den lekutik igo liteke. Irteeran animatzen jendetza biltzen da, baina tontorrera iristea ere oso emozionantea da, jendez lepo egoten da eta. Halere, lasterketa ondoren babajana izaten da lasterkariok gezurrak kontatzen gehien disfrutatzen dugun momentua.

Aurtengoan baja bat eduki dugu, Pako. Justu urtebete lehenengo ondoezak bazkaltzen eman, eta hilabete batzutara joan zitzaigun arren, atzo bere presentzia oraindik oso nabarmena zen.

Harro egongo litzateke aurtengoan ere bolondresen lanaz.

Eskerrik asko Morkaiko

kronika pirukeriak blogean

Eguraldia

Euskalmet Lameteoqueviene Aemet Meteo France Accu Weather